КРИЈА НА СВЕСНОСТ

Крија на свесност е моќна техника која му овозможува на трагачот да води живот на ослободено постоење, т.е. живот со целосна слобода – слобода од оковите на нашиот ум и неговите стеги (ограничувања). Оваа техника му била дадена на Моханџи со цел да го води човештвото кон ослободување.

Крија на свесност започнува со иницирање во одредена техника, но всушност е животен стил на понизност, ненасилство, благодарност и чистота. Кога се практикува доследно со посветеност, Кријата на свесност може да се опише како ракета кон духовна еволуција и ослободување.

Иницирањето во Крија од страна на Гуру е од суштинско значење. Ова овозможува поврзаност со принципот на Гуру, кој заштитува и воздигнува. Растот на патот на Крија се случува во фази, а иницирањето кон повисоките Крии се заснова на нивоата на воздигнување во свеста постигнати преку посветеност, убедување, ангажираност и доследност во практикувањето.

Зошто да практикуваме Крија на свесност?

Ако се практикува со уверување, вера и доследност, Кријата на свесност е исклучително ефикасна техника и средство за оваа цел.

Патувањето е од утробата на мајката до утробата на врвната свест. Кријата е мост помеѓу овие две, мост до се посуптилни нивоа на свесност и помага да се зголеми нашата свесност.